நட்பதிகாரம் - 2 (கவிதை)

நட்பதிகாரம் - 2 (கவிதை)

மக்களை ஆட்சி செய்தவன்

மனதை ஆட்சி செய்தது – தமிழ்ப்புலமை

கோப்பெருஞ்சோழன் – பிசிராந்தையார் நட்பு

பகவத் கீதை நாயகனை

பாசத்தால் பிணைத்து போட்டது – வில்வித்தை

கிருஷ்ணன் – அர்ஜுனன் நட்பு

வஞ்சகம் நிறைந்தவனின்

வாழ்வுக்காக மாண்டது – வள்ளல்தன்மை

துரியோதனன் – கர்ணன் நட்பு

பிடிஅவலில் பசிபோக்கி

வறுமை நீக்கியது – குருகுல அன்பு

கிருஷ்ணன் – குசேலன் நட்பு

தான்வாழ கிடைத்த நெல்லிக்கனியை

தமிழ்வாழ தானமளித்தது – அரசனின் அன்பு

அதியமான் – அவ்வை நட்பு

தமிழ்ப்புலவனுக்கு தலையை

தயங்காமல் தந்தது – கொடைத்தன்மை

குமணன் – பெருஞ்சித்திரனார் நட்பு

உடலுக்குள் உயிர்போல்வதாம் நட்பு

இடுக்கண் களைவதாம் நட்பு

இடுக்கண் வரின்

இன்னுயிர் துறப்பதுவும் நட்பே….

        

            -- இரா. சைலஜா சக்தி