அழகியல் ஆயிரம் (கவிதை)

                                 அழகியல் ஆயிரம்

வான் அழகு

வானை முத்தமிடும்

வெண்மேகம் அழகோ அழகு

பனித்துளி அழகு

பனித்துளி முத்தமிடும்

புல்வெளி அழகோ அழகு

மழைத்துளி அழகு

மழைத்துளி முத்தமிடும்

மண்வாசம் அழகோ அழகு

கதிரவன் அழகு

கதிரவன் முத்தமிடும்

காலைப்பொழுது அழகோ அழகு

நிலா அழகு

நிலவை முத்தமிடும்

நீலவான் அழகோ அழகு

பூமி அழகு

பூமியை முத்தமிடும்

பசுமை அழகோ அழகு

விண்வெளி அழகு

விண்வெளியை முத்தமிடும்

விண்மீன்கள் அழகோ அழகு

அலைகள் அழகு

அலைகள் முத்தமிடும்

அலைகடல் அழகோ அழகு

மலர்கின்ற மலர் அழகு

மலரை முத்தமிடும்

மகரந்தவாசம் அழகோ அழகு

மழலை மொழி அழகு

மொழியை முத்தமிடும்

மழலை அழகோ அழகு

காதல் அழகு

காதலை முத்தமிடும்

கவிதைகள் அழகோ அழகு

கண்கள்தோறும் அழகு

காட்சிகள்தோறும் அழகு

ஆர்வமிருப்பின்

ஆசையிருப்பின்

அழகியல் ஆயிரமுண்டு

அகிலத்தில்.

இரா. சைலஜா சக்தி